satellite   Azerspace-1: 11135 H 30000

Aksiyalardan yorulan Fransa polisi mövcud vəziyyətə etiraz edir

Aksiyalardan yorulan Fransa polisi mövcud vəziyyətə etiraz edir

Fransanın “Un1té” polis həmkarlar ittifaqı hüquq-mühafizə orqanlarının əməkdaşlarının bir neçə həftədir davam edən etiraz aksiyaları və oktyabrın 17-də baş vermiş zorakılıq hadisələri fonunda ciddi yorğunluq və narazılıq yaşadığını bildirib.

NTV xəbər verir ki, həmkarlar ittifaqı polis əməkdaşları arasında ciddi yorulub tükənmə və qəzəb dalğası olduğunu bəyan edib.

“Un1té”nin milli katibi Linda Kebbab BFMTV-yə açıqlamasında bildirib ki, yüzlərlə yorğun CRS (Respublika Təhlükəsizlik Korpusu) polisi səhər xidmətə çıxa bilməyib və həkimə müraciət etməyə məcbur olub.

Onun sözlərinə görə, inzibati, texniki və xüsusi xidmət sahələrində çalışan, tətil hüququna malik əməkdaşlar da mövcud vəziyyətə etiraz ediblər.

Həmkarlar ittifaqının nümayəndəsi polis heyətinin idarə olunmasını və rəhbərliyin zorakılıq hallarının qarşısını almaq üçün lazımi tədbirləri əvvəlcədən görməməsini tənqid edib.

Bu açıqlamalar Fransada sosial etirazların, məktəb və universitetlərin blokadalarının davam etdiyi bir dövrə təsadüf edir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

Xəbər lenti
Çox oxunan xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək:

CANLI YAYIM