Monteneqronun paytaxtı Podqoritsada keçirilən cüdo üzrə gənclər arasında Avropa çempionatında 5 medal qazanan Azərbaycan milli komandası Vətənə qayıdıb.
NTV xəbər verir ki, cüdoçularımızı Heydər Əliyev Beynəlxalq Aeroportunda idman ictimaiyyətinin nümayəndələri, federasiya rəsmiləri, media təmsilçiləri və idmançıların yaxınları qarşılayıblar.
Xatırladaq ki, Ayxan Mirzəzadə (60 kiloqram), Məhəmməd Musayev (66 kiloqram) və Süleyman Şükürov (90 kiloqram) bütün rəqiblərinə qalib gələrək gənclər arasında Avropa çempionu olublar. Davud Namazlı (100 kiloqram) və Ramazan Əhmədov (+100 kiloqram) isə bürünc medala sahib çıxıblar.
Qeyd edək ki, Azərbaycan millisi yarışı 3 qızıl və 2 gümüş medalla başa vuraraq 44 ölkə arasında ümumi hesabda ikinci, oğlanların mübarizəsində isə birinci yeri tutub.
NTV canlı
Radio canlı
Nuhçıxan