"Sabah"ın UEFA Çempionlar Liqasının əsas mərhələsindəki rəqiblərindən biri olan İspaniyanın “Barselona” klubu III turda PSJ ilə keçiriləcək oyun üçün iştirak ərizəsini açıqlayıb.
NTV Kataloniya təmsilçisinin rəsmi saytına istinadən xəbər verir ki, müdafiəçilər Erik Qarsiya, Jül Kunde, Andreas Kristensen və hücumçu Runi Bardji Fransa klubu ilə qarşılaşmada iştirak etməyəcəklər.
Qeyd edək ki, PSJ ilə “Barselona” arasında görüş oktyabrın 20-də Parisdəki “Park de Prens” stadionunda keçiriləcək. Liqa mərhələsinin ilk iki turundan sonra PSJ 6 xalla turnir cədvəlinə başçılıq edir. Eyni xala malik “Barselona” isə ikinci pillədə qərarlaşıb.
NTV canlı
Radio canlı
Nuhçıxan