Almaniya Mərkəzi Bankı (“Bundesbank”) maliyyə sabitliyi üçün risklərin yüksək olaraq qaldığını bildirib və ölkədəki banklar üçün artan təhdidlər barədə xəbərdarlıq edib.
NTV xarici mediaya istinadla xəbər verir ki, “Bundesbank”ın “2026-cı il maliyyə sabitliyi” hesabatına görə, Almaniya maliyyə sisteminin mövcud dayanıqlığını qoruyub saxlasa da, geosiyasi gərginliklər əlavə risklər yaradır.
Hesabatda maliyyə bazarlarında həddindən artıq qiymətləndirmələrin, artan kredit risklərinin və daşınmaz əmlak maliyyələşdirməsində zəifliklərin əsas təhdidlər olduğu vurğulanır. Həmçinin yüksək dövlət borcuna və ənənəvi bank sektorundan kənar aktorlar tərəfindən verilən özəl kreditlərin artan çəkisinə diqqət çəkilir.
“Bundesbank”ın hesabatda korporativ sektora maliyyə təzyiqinin durmadan artdığı bildirilir. Qeyd olunur ki, zəif gəlirlilik, artan maliyyələşdirmə xərcləri və iflasların artması kreditlərin ödənilməməsinə səbəb ola bilər. Bundan başqa, ölkədə aylıq korporativ iflaslar son zamanlar 2014-cü ildən bəri ən yüksək səviyyəyə çatıb və problemli kredit nisbəti ötən ilin ortalarından bəri yüksəliş tendensiyasında seyr edir.
Hesabatda Almaniya bank sektorunun güclü faiz gəlirləri sayəsində yüksək gəlirliliyi saxladığı, möhkəm kapital və likvidlik mövqelərinə malik olduğu bildirilir, lakin makromaliyyə mühitində potensial pisləşmənin sektora təzyiq göstərə biləcəyi barədə xəbərdarlıq edilir.
NTV canlı
Radio canlı
Nuhçıxan