Rusiyadan ABŞ-yə ilk dizel yanacağı tankeri yola salınıb

Rusiyadan 40 min ton dizel yanacağı daşıyan tanker Nyu-Yorka yola salınıb.

NTV  xəbər verir ki, dizel yanacağının daşınması bu ay Moskva ilə ABŞ Prezidenti Donald Tramp arasında əldə edilən razılaşma çərçivəsində həyata keçirilir.

“Reuters” agentliyinin məlumatına görə, Donald Tramp noyabrın 3-də ABŞ-də keçiriləcək aralıq seçkilərdən əvvəl artan dizel qiymətlərini azaltmaq səylərinin bir hissəsi olaraq Rusiyadan dizel yanacağının idxalı ilə bağlı razılaşmanı elan edib.

O, həmçinin ABŞ-nin Rusiyaya qarşı yeni sanksiyaları qanununun bəzi müddəalarını ləğv edib və ölkələr qiymətləri aşağı salmaq üçün ehtiyatlarından daha çox neft ayırmasalar, Avropanı Amerikadan dizel ixracına qadağa qoymaqla hədələyib.

Malta bayrağı altında üzən “Agioi Fanendes” tankerinin noyabrın 7-də ABŞ-yə çatacağı gözlənilir. Bu, sabiq Prezident Co Baydenin 2022-ci ildə ABŞ-yə Rusiya neft və neft məhsulları idxalına qadağa qoyduğunu elan etməsindən bəri Amerika tərəfindən idxal edilən ilk dizel yanacağı yükü olacaq. Rusiya Baş nazirinin müavini Aleksandr Novak bildirib ki, Rusiya və Amerika şirkətləri bu təchizatlar üçün müqavilələr imzaladıqdan sonra əlavə tədarüklər də olacaq.

Rusiya, həmçinin razılaşmanın bir hissəsi olaraq, dizel yanacağı ixracına qoyduğu qadağanı ləğv etməyə razılaşıb.