İrandan Azərbaycan vasitəsilə təxliyə - müxtəlif ölkələrin 17 vətəndaşı sərhədi keçib - FOTOLAR

Bu gün 09:00-dan saat 14:00-dək “Astara” dövlət sərhədindən buraxılış məntəqəsi vasitəsilə İrandan 17 nəfər təxliyə olunub.

NTV xəbər verir ki, təxliyə olunanlar Azərbaycan (11 nəfər), Qırğızıstan (2 nəfər), Gürcüstan (1nəfər), Kanada (1 nəfər), Xorvatiya (1 nəfər), Çin (1 nəfər) vətəndaşları olub.

Təxliyə prosesi müvafiq sənəd yoxlanışı, qeydiyyat və digər prosedurların yerinə yetirilməsi ilə həyata keçirilib və sərhəd-keçid məntəqəsində təhlükəsiz keçidin təmin edilməsi üçün bütün zəruri tədbirlər görülüb.

Qeydiyyat prosedurlarından onlar sonra təhlükəsiz şəkildə təyinat istiqamətlərinə yola salınıblar.

“Astara” dövlət sərhədindən buraxılış məntəqəsində təxliyə prosesi fasiləsiz davam etdirilir və keçidlər müvafiq prosedurlara uyğun olaraq, aidiyyəti qurumların nəzarəti altında həyata keçirilir.