ABŞ tərəfi məndən Ukraynanın NATO-ya üzvlük müqabilində Donbasdan çıxmağa hazır olub-olmadığını soruşub.
NTV xəbər verir ki, bunu Ukrayna Prezidenti Volodimir Zelenski jurnalistlərlə söhbəti zamanı deyib. Onun sözlərinə görə, ABŞ tərəfi ilk dəfədir belə bir sual ünvanlayıb.
O vurğulayıb ki, dəfələrlə bəyan etdiyi kimi, Ukrayna geri çəkilmir və ərazilərini təhvil vermir. Bununla belə, təhlükəsizlik məsələlərini əhatə edən hərtərəfli paket olduğu təqdirdə bu ssenarini cəmiyyətlə müzakirə etməyə hazırdır. Həmin paketə NATO və Avropa İttifaqının konkret təhlükəsizlik zəmanətləri, zəruri silahlarla və maliyyə vəsaiti ilə təmin edilmiş güclü Ukrayna ordusu, eləcə də ölkənin bərpası üçün maliyyə təminatı olan plan daxil olmalıdır.
“Əgər ABŞ tərəfi bunu NATO-dakı digər tərəfdaşlarımızla birlikdə bizə təsdiqləsə, onda cəmiyyətimizin rəyini öyrənəcəyəm: bunu qəbul edirik, yoxsa etmirik?” – deyə dövlət başçısı qeyd edib.
NTV canlı
Radio canlı
Nuhçıxan