İndoneziyanın ən böyük məişət tullantıları poliqonu olan “Bantargebanq”da güclü yağışlardan sonra baş verən uçqun nəticəsində ən azı 5 nəfər ölüb, bir neçə nəfər itkin düşüb.
NTV İndoneziya mediasına istinadla xəbər verir ki, hadisə noyabrın 8-də axşam saatlarında paytaxt Cakartanın yaxınlığındakı Bekasi şəhərində baş verib. Axtarış işlərinə 300-dən çox xilasedici, polislər, hərbçilər, könüllülər, ağır texnika və xüsusi təlim keçmiş itlər cəlb olunub.
Cakartanın axtarış-xilasetmə ofisinin rəhbəri Desiana Kartika Bahari bildirib ki, ölənlər arasında zibildaşıyan maşın sürücüləri, yaxınlıqdakı ərzaq köşkünün satıcısı da var. Dörd nəfər fəlakətdən xilas ola bilib. Ən azı 3 nəfərin uçqun altında qaldığı güman olunur.
Havanın yağıntılı olması axtarış işlərini çətinləşdirməklə yanaşı, yeni uçqun ehtimalını da yüksəldib.
Qeyd edək ki, “Bantargebanq” 35 milyon əhalisi olan Cakarta metropolisinin əsas məişət tullantıları poliqonudur. Poliqonun həddindən artıq yüklənməsi ilə bağlı bir neçə dəfə xəbərdarlıq olunub. Keçən ilin sonlarında hökumət “Bantargebanq”ın ərazisini təmizləmək üçün tullantıların enerjiyə çevrilməsi layihəsini elan edib. Layihənin icrası üçün 2 il müddət müəyyənləşdirilib.
NTV canlı
Radio canlı
Nuhçıxan