Robert E. Holl (Stenford Universiteti) və Maykl Vudford (Kolumbiya Universiteti) İsveç Dövlət Bankının Alfred Nobel xatirəsinə iqtisad elmləri üzrə mükafatın laureatları olublar.
NTV İsveç Kral Elmlər Akademiyasının mətbuat açıqlamasına istinadla xəbər verir ki, alimlər bu mükafata vaxtında maliyyə və pul siyasəti müdaxilələri üçün əsas rol oynayan yeni tipli makroiqtisadi modellər hazırladıqlarına görə layiq görülüblər.
“Laureatların işi bu gün dünyanın mərkəzi bankları və hökumətləri tərəfindən istifadə edilən modellər üçün möhkəm nəzəri təməl yaradıb. Bu modellər sayəsində enerji böhranları və ya ev təsərrüfatlarının istehlak xərclərində qəfil dəyişikliklər kimi iqtisadi şokları daha effektiv şəkildə idarə edə bilərik”, - deyə Nobel İqtisadiyyat Komitəsinin sədri Con Hassler qeyd edib.
Qeyd edək ki, 12 milyon İsveç kronu məbləğində mükafat iki laureat arasında bərabər bölünəcək.
NTV canlı
Radio canlı
Nuhçıxan