Naxçıvan Muxtar Respublikası Xəstəxanasında tibbi xidmətin təşkili ilə bağlı geniş tədbir keçirilib
Naxçıvan Muxtar Respublikası Xəstəxanasında “Tibbi xidmətin təşkili, görülən işlər və qarşıda duran vəzifələr” mövzusunda geniş tərkibli tədbir keçirilib.
Tədbirdə Naxçıvan Muxtar Respublikasının səhiyyə naziri Samiq Sadıxov çıxış edərək səhiyyə sistemində mövcud infrastruktur, tibbi xidmət sahəsindəki bəzi çatışmazlıqlar və onların aradan qaldırılması yolları haqqında ətraflı məlumat verib. Nazir, tibbi xidmətin keyfiyyətinin yüksəldilməsi, idarəetmədə şəffaflığın və səmərəliliyin artırılması, vətəndaş məmnunluğunun təmin olunması ilə bağlı konkret tapşırıqlar verib və gələcək islahatlara dair fikirlərini bölüşüb.
Toplantı çərçivəsində xəstəxananın müxtəlif şöbə rəhbərləri də çıxış edərək öz fəaliyyət istiqamətləri, tibbi xidmətin təşkili və mövcud vəziyyət barədə təqdimatlar ediblər. Onlar qarşıda duran əsas vəzifələr və prioritet hədəflər barədə məlumat verərək fikir mübadiləsi aparıblar.
Tədbirin önəmli məqamlarından biri də Rəşadət Nabatovun Naxçıvan Muxtar Respublikası Xəstəxanasına direktor təyin olunması olub. Yeni rəhbərlik dəyişimi səhiyyə sahəsində idarəetmənin peşəkar yanaşmalar əsasında yenilənəcəyini və daha effektiv fəaliyyətin qurulacağını göstərir. Qeyd edək ki, Rəşadət Nabatov bundan əvvəl Naxçıvan Sağlamlıq Mərkəzinin direktoru vəzifəsində çalışıb və səhiyyə sahəsində uzunillik idarəçilik təcrübəsinə malikdir.
NTV canlı
Radio canlı
Nuhçıxan