Qusarda kros qaçışı üzrə yaz ölkə çempionatı keçirilib. Yarışda paytaxt təmsilçiləri ilə yanaşı, Gəncə, Bərdə, Gədəbəy, İsmayıllı, Astara, Siyəzən, Şabran, Quba, Qusar, Xaçmaz və Ordubaddan olan 100 atlet mübarizə aparıb.
Naxçıvan Muxtar Respublikası Gənclər və İdman Nazirliyinin mətbuat xidmətindən NTV-yə verilən məlumata əsasən yarışda muxtar respublikadan iki idmançı qatılıb və hər ikisi ölkə çempionluğuna nail olub. Əmrah Nağıyev 10 km məsafədə 34 dəqiqə 14 saniyəlik, Namiq Babayev isə 2 km məsafədə 6 dəqiqə 15 saniyəlik göstəricilərlə qızıl medala sahib çıxıblar. Əmrah 10 km məsafədə şəxsi rekordunu (00:35:36) yeniləyib.
Xatırladaq ki, həmin atletlərimiz sonuncu dəfə bu ilin fevralında keçirilən atletika üzrə Azərbaycan çempionatlarında da birinci olmuşdular.
NTV canlı
Radio canlı
Nuhçıxan