Tramp İrana qarşı nəhəng iqtisadi müharibə elan edib

İran İslam Respublikasına məndən daha böyük bir razılaşma imkanı verən heç kim olmayıb.

NTV xəbər verir ki, bu sözləri ABŞ Prezidenti Donald Tramp “Truth” sosial şəbəkəsində yazıb. O bildirib ki, İran tərəfi bundan yararlana bilməyib. “Buna görə də, bu gün mən indiyə qədər heç bir ölkəyə qarşı aparılmayan ən sarsıdıcı iqtisadi əməliyyatı elan edirəm. Bu, misli görünməmiş miqyasda iqtisadi müharibə və təcrid olacaq. Onların donanması yoxa çıxıb, hava qüvvələri dağıdılıb, hərbi fabrikləri artıq xarabalığa çevrilib, valyutaları dəyərsizləşib və ölkələri iflasa uğrayıb. Bu gün mən, həmçinin maliyyə qurumlarına, müəssisələrinə, hava limanlarına və ya dövlət qurumlarına elan edirəm ki, İrana hər hansı bir xilasetmə xətti təqdim etməyə icazə verən hər bir ölkə özü ciddi iqtisadi nəticələr ilə üzləşəcək. Neft qaçaqmalçılığı, mübadilə xətləri, nağd pul köçürmələri, mübadilə mərkəzləri, gəmi qeydiyyatları dayandırılmalıdır”, - deyə Tramp vurğulayıb.