Gürcüstandakı "Kaztransoil" ASC-yə məxsus aktiv olan Batumi Neft Terminalı 8 illik fasilədən sonra aviasiya kerosininin daşınmasını bərpa edib və Transxəzər beynəlxalq nəqliyyat marşrutu (Orta Dəhliz) vasitəsilə Avropadan Qazaxıstana aviasiya yanacağının tədarükü üçün əsas mərkəzə çevrilib.
NTV xəbər verir ki, bu barədə Batumi Neft Terminalı məlumat yayıb.
Bildirilir ki, terminal Avropa neft emalı zavodları tərəfindən istehsal olunan JET A1 reaktiv yanacağını emal etməyə başlayıb və bununla da daşıya biləcəyi yüklərin çeşidini genişləndirib. JET A1 reaktiv yanacağı mülki aviasiya yanacağının əsas növlərindən biridir və təyyarələrin etibarlı işləməsini, fasiləsiz hava nəqliyyatını təmin edir. Qazaxıstana aviasiya yanacağının sabit təchizatı nəqliyyat sektorunun inkişafı, mobilliyin artırılması və ölkənin enerji təhlükəsizliyinin gücləndirilməsi üçün böyük əhəmiyyət kəsb edir.
JET A1 aviasiya kerosininin daşınmasının bərpası Batumi Neft Terminalının logistika imkanlarını genişləndirir, Orta Dəhliz boyunca daşımaların inkişafına töhfə verir, beynəlxalq təchizat zəncirlərinin dayanıqlığını artırır və "Kaztransoil"un tranzit potensialını təsdiqləyir.
Batumi Neft Terminalı aviasiya yanacağından əlavə, xam neft, mazut, dizel yanacağı, avtomobil benzini, müxtəlif dərəcəli kerosin, mayeləşdirilmiş karbohidrogen qazları və digər maye neft yüklərinin daşınmasını təmin edən ixtisaslaşmış neft terminalıdır.
Bu ilin birinci yarısının nəticələrinə görə, Batumi Neft Terminalında maye neft yüklərinin daşınmasının həcmi təxminən 725 min ton təşkil edib.
NTV canlı
Radio canlı
Nuhçıxan