Yaponiyanın şimal-şərqində 87 yaşlı sakinin evinə daxil olan ayı soyuducunu açaraq ərzaqları yerə töküb, sonra isə arxa qapıdan çıxıb.
NTV Kyodo agentliyinə istinadla xəbər verir ki, hadisə İvate prefekturasının Şizukuişi şəhərində baş verib. Polis bildirib ki, hadisə nəticəsində xəsarət alan olmayıb.
Məlumata görə, eyni şəhərdə başqa bir evə ayı bir həftə ərzində dörd dəfə daxil olaraq pişik yemi və digər ərzaqları dağıdıb.
Yerli hakimiyyət orqanları bildiriblər ki, isti hava şəraiti ilə əlaqədar son günlər Yaponiyanın müxtəlif bölgələrində ayıların yaşayış məntəqələrinə yaxınlaşması halları artıb.
NTV canlı
Radio canlı
Nuhçıxan