Bu ilin əvvəlində İslamabadda ilk “ASAN xidmət” mərkəzini açdıq. Bu səmərəli əməkdaşlığa görə Azərbaycan Prezidenti İlham Əliyevə, həmçinin Dövlət Agentliyinin sədrinə və onun komandasına təşəkkürümü bildirirəm. Hər iki ölkənin nümayəndə heyətləri təcrübə mübadiləsi aparmaq və Bakı təcrübəsini öyrənmək məqsədilə dəfələrlə qarşılıqlı səfərlər həyata keçiriblər. Bu əməkdaşlıq xidmət mərkəzinin planlaşdırılması və dizaynından tutmuş proqram təminatının tətbiqinə, əməkdaşlarımızın təliminə, eləcə də layihənin icrasına qədər bütün mərhələləri əhatə edib.
NTV xəbər verir ki, bunu jurnalistlərə müsahibəsində Pakistanın informasiya texnologiyaları və telekommunikasiya üzrə federal naziri Şaza Fatima Xavaca deyib.
Bu prosesin Azərbaycan nümayəndə heyətinin dəstəyi sayəsində mümkün olduğunu vurğulayan nazir qeyd edib: “Hazırda həmin xidmətlərin göstərilməsi proseslərinin yenidən qurulması və təkmilləşdirilməsi istiqamətində işlər aparırıq. Gələcəkdə “ASAN xidmət” mərkəzlərinin fəaliyyətini Azad Kəşmir, Gilgit-Baltistan və Pakistanın digər əyalətlərində də genişləndirməyi planlaşdırırıq. Bu istiqamətdə “ASAN xidmət” komandası ilə sıx əməkdaşlığımızı davam etdiririk”.
NTV canlı
Radio canlı
Nuhçıxan