“Cahan” Şirkətlər Qrupu 30 illik yubileyi münasibətilə şəhid övladlarına həsr olunmuş sosial tədbir təşkil edib - FOTOLAR

NTV xəbər verir ki, "Cahan" Şirkətlər Qrupu 30 illik yubileyi və 1 İyun - Uşaqların Beynəlxalq Müdafiəsi Günü münasibətilə şəhid övladlarına həsr olunmuş xüsusi sosial tədbir keçirib.

Tədbir şəhidlərin əziz xatirəsinin bir dəqiqəlik sükutla yad edilməsi və Dövlət Himninin səsləndirilməsi ilə başlanıb. Mərasimdə millət vəkili, şəhid anası Gülşad Rüstəmli, uşaq yazıçısı, riyaziyyat üzrə fəlsəfə doktoru Reyhan Yusifqızı, filologiya elmləri doktoru, Altun Kitab nəşriyyatının direktoru Rafiq İsmayılov, rejissor, Kinematoqrafçılar İttifaqının katibi Tahir Tahiroviç və tarix elmləri doktoru, professor Sevinc Abbasova çıxış ediblər.

Tədbir çərçivəsində şəhid övladlarına hədiyyələr və kitablar təqdim olunub, Naxçıvan Muxtar Respublikası Mədəniyyət Nazirliyinin musiqi məktəblərinin ifasında konsert proqramı təşkil edilib.

Layihə “Cahan” Şirkətlər Qrupunun sponsorluğu, Azərbaycan Respublikasının Mədəniyyət Nazirliyi və Naxçıvan Dövlət Universitetinin və "SEVİNC" İctimai Birliyinin birgə əməkdaşlığı ilə həyata keçirilib. Tədbir uşaqlara diqqət və qayğının dövlət, cəmiyyət və biznes sektorunun birgə əməkdaşlığı ilə necə dəyərə çevrilə biləcəyini bir daha nümayiş etdirib.