Ordubad rayonunda yağış cidd fəsadlar törədib
NTV xəbər verir ki, bu gün Ordubad rayonuna yağan güclü yağış nəticəsində Tivi kənd avtomobil yoluna sel gəlib.
Sel sularının yolları yuması və özü ilə bərabər lil, qaya parçaları gətirərək yolun hərəkət hissəsini doldurması nəticəsində bəzi hissələr yararsız hala düşüb.
Nəticədə Tivi kəndi ilə qonşu yaşayış məntəqələri arasında nəqliyyat əlaqəsi müvəqqəti olaraq dayandırılıb.
Naxçıvan Avtomobil Yolları Dövlət Agentliyinin əməkdaşları əraziyə cəlb edilib. Ərazidə əlavə təhlükəsizlik tədbirləri görülərək qısa müddət ərzində hərəkətin fasizləsizliyi təmin olunub, torpaq və daş kütləsi yoldan təmizlənib.
Hazırda yolun zədələnmiş hissəsində bərpa və möhkəmləndirmə işləri görülür.
NTV canlı
Radio canlı
Nuhçıxan