Almaniyanın “Bavariya” klubu UEFA Çempionlar Liqasında yarımfinala çıxıb.
NUHÇIXAN xəbər verir ki, Münhen təmsilçisi turnirin 1/4 finalının cavab qarşılaşmasında İngiltərənin “Arsenal” komandasını 1:0 hesabı ilə yenərək növbəti mərhələyə adlayıb.
Qarşılaşmada yeganə qolu 63-cü dəqiqədə Yozua Kimmix vurub. İlk oyun aprelin 9-da Londonda keçirilib və 2:2 hesabı ilə başa çatıb.
1974, 1975, 1976, 2001, 2013 və 2020-ci illərdə turnirin qalibi olan “Bavariya” Çempionlar Liqasının altıqat qalibidir. “Arsenal” bir dəfə turnirin finalında çıxış edib: 2006-cı ildə “topçular” “Barselona”ya uduzub.
Çempionlar Liqasının finalı iyunun 1-də Londondakı “Uembli” stadionunda keçiriləcək. Turnirin hazırkı qalibi “Mançester Siti”dir.
NTV canlı
Radio canlı
Nuhçıxan