2026-cı ilin birinci yarısında Çinin şimal-qərbindəki Sincan Uyğur Muxtar Rayonunun dəmir yolu keçid məntəqələrindən Çin-Avropa-Asiya marşrutu ilə 9549 yük qatarı keçib ki, bu da illik müqayisədə 6,7 faiz artım deməkdir.
NTV Çinin gündəlik “Sintszyan Daily” qəzetinin məlumatına istinadla xəbər verir ki, cari ildən bəri Çinin bir çox bölgəsində Çin-Avropa-Asiya beynəlxalq yük qatarlarının yola düşməsi sayı durmadan artırılıb və bu da Sincan dəmir yolu keçid məntəqələrindən keçən qatarların sayının çoxalmasına səbəb olub.
Həmin qatarların səmərəli işləməsini təmin etmək üçün Sincan dəmir yolu orqanları stansiyalar və yükləmə-boşaltma avadanlığı kimi resursları əlaqələndirir, Çin-Avropa-Asiya yük qatarlarının daşıma, çeşidlənmə və göndərilməsinə üstünlük verir və hər bir qatarın tutumunu durmadan artırır.
Bu strukturlar, həmçinin bütün marşrut boyunca müəyyən edilmiş cədvələ uyğun olaraq fəaliyyət göstərən müntəzəm Çin-Avropa yük qatarları üçün xüsusi xidmət mexanizmini təkmilləşdirir. Hazırda Sincan sərhəd keçid məntəqələrindən Alaşankou və Xorqosdan keçən bu cür qatar marşrutlarının sayı müvafiq olaraq səkkiz və dörddür. Bu iki keçid məntəqəsindən xidmətlərinin tezliyi həftədə müvafiq olaraq 27-yə çatır.
Məlumatlara görə, Alaşankou və Xorqos dəmir yolu stansiyaları Çin-Avropa qatarları ilə yükdaşımalarının təşkilini təkmilləşdirməyə davam edir, bu qatarların səmərəliliyini artırmaq məqsədi ilə vaqonların qəbulu, çeşidlənməsi, aşırılması və buraxılması da daxil olmaqla bütün zəncir üzrə əməliyyat standartlarını artırır.
“Nəqliyyat və mal axınları ilə bağlı mövcud vəziyyəti nəzərə alaraq, iş planımızı dinamik şəkildə optimallaşdırırıq və bunun sayəsində Alaşankou stansiyasından keçən Çin-Avropa-Asiya yük qatarlarının sayı hazırda gündə orta hesabla 24-ə çatır”, - deyə Alaşankou Dəmir Yolu Stansiyası rəhbərliyi qeyd edib.
NTV canlı
Radio canlı
Nuhçıxan