Rusiyanın Omsk vilayətində meşə yanğınlarını izləyən yüngül təyyarə qəzaya uğrayıb, nəticədə iki nəfər həlak olub.
NTV xəbər verir ki, Qərbi Sibir Nəqliyyat Prokurorluğunun məlumatına görə, hadisə yerli vaxtla saat 13:00 radələrində Omsk vilayətinin Azovski Alman Milli Dairəsinin Koşkarevo kəndi yaxınlığında baş verib.
İlkin məlumata görə, “Aviabaza” MMC tərəfindən idarə olunan “Aeroprakt-22” təyyarəsi hava tapşırıqların yerinə yetirərkən qəzaya uğrayıb. Qəzanın səbəbi araşdırılır.
