Nyu-York şəhərində hava səyahəti Con Kennedi Beynəlxalq Hava Limanında sınaqdan keçirilən innovativ texnologiya ilə yeni zirvələrə doğru irəliləyir. NTV xəbər verir ki, bu barədə CNN telekanalının reportajında bildirilib.
Bazar ertəsi günü ilk elektrikli hava taksisi JFK Hava Limanından havaya qalxıb. “Joby Aviation” şirkətinin bu uçuş aparatı şaquli olaraq yola düşə bilən səssiz helikopterdir. O, ənənəvi helikopterdən 100 dəfə daha səssizdir. Hava taksisində dörd sərnişin və bir pilot oturacağı, habelə baqaj üçün yer var.
Şirkət bu helikopterin insanları şəhər daxilində daşımaq məqsədilə taksi kimi istifadə edilməsi üçün Federal Aviasiya Administrasiyasının sertifikatını almaq üzərində işləyir. Xüsusilə, onun məqsədi JFK aeroportunda olan insanları yeddi dəqiqə ərzində təyinat yerinə çatdırmaqdır.
Hava taksisi JFK aeroportu ilə şəhərin mövcud vertolyot meydançası şəbəkəsində olan bir neçə yer, o cümlədən şəhərin mərkəzi “Skyport” və “Midtown” ərazisində yerləşən iki küçədəki helikopter meydançaları arasında fəaliyyət göstərəcək.
Sınaq uçuşu zamanı təhlükəsizlik və innovasiya məsələləri diqqət mərkəzində olub.
NTV canlı
Radio canlı
Nuhçıxan