2026-cı ilin birinci yarımilliyində “mygov” portalı üzərindən təqdim edilən “Yaxın qohumlar barədə məlumatın əldə edilməsi” elektron xidmətinə 1 milyon 200 min müraciət daxil olub. Bununla da, sözügedən xidmət ən çox istifadə olunan ədliyyə xidməti statusunu qazanıb.
Bu barədə NTV-yə Ədliyyə Nazirliyinin mətbuat xidmətindən məlumat verilib. Bildirilib ki, nazirliyin rəsmi saytında isə istifadəçilərin daha çox müraciət etdiyi elektron xidmətlər “Borclunun ölkədən getmək hüququnun müvəqqəti məhdudlaşdırılması barədə məlumatın verilməsi” (270 min 216), “Notariat hərəkətlərinin yoxlanılması” (135 min 466) və “Vərəsəlik işlərinin açılıb-açılmaması barədə məlumatın verilməsi” (127 min 474) olub.
NTV canlı
Radio canlı
Nuhçıxan