Böyük Britaniyanın Dəniz Ticarət Əməliyyatları İdarəsi (UKMTO) bu gün səhər saatlarında Hörmüz boğazında gəmidə partlayışlar və yanğın baş verdiyini açıqlayıb.
NTV xəbər verir ki, kiçik qayıq vasitəsilə tankerin gövdəsinə yerləşdirilən iki partlayıcı qurğunun partlaması nəticəsində mühərrik bölməsində yanğın yaranıb və gəmi qısa müddət ərzində manevr qabiliyyətini itirib.
Bildirilib ki, ekipaj üzvlərinin vəziyyəti yaxşıdır, ətraf mühitə hər hansı zərər dəyməsi barədə məlumat daxil olmayıb. Yanğın söndürülüb və tanker hazırda limanlardan birinə doğru hərəkət edir.
Hücumun kim tərəfindən həyata keçirildiyi hələlik açıqlanmayıb.
Qeyd edək ki, son vaxtlar İran xüsusilə ABŞ Hərbi Dəniz Qüvvələrinin dəstəklədiyi cənub dəniz nəqliyyatı marşrutu boyunca gəmilərə qarşı hücumlarını intensivləşdirib.
NTV canlı
Radio canlı
Nuhçıxan