Pakistanın xarici işlər naziri Məhəmməd İshaq Dar “X” sosial media platformasındakı paylaşımında Ər-Riyad hava limanına edilən hücumu qətiyyətlə pisləyib.
NTV “Dawn” nəşrinə istinadla xəbər verir ki, nazir hücumda yaralanan altı Pakistan vətəndaşı da daxil olmaqla bütün yaralılara tezliklə şəfa tapmalarını arzulayıb, dinc insanlara və mülki infrastrukturlara qarşı hücumların qəbuledilməz olduğunu, beynəlxalq hüququ pozduğunu, regional sülh və təhlükəsizliyə ciddi təhdid yaratdığını bildirib.
İshaq Dar Pakistanın Səudiyyə Ərəbistanı hökuməti və xalqı ilə həmrəyliyini vurğulayaraq qeyd edib ki, İslamabad Məkkə Kollektiv Müdafiə Sazişi çərçivəsində Səudiyyə Ərəbistanının suverenliyinə, ərazi bütövlüyünə və təhlükəsizliyinə sadiq qalacaq.
Pakistanın Baş naziri Şahbaz Şərif də hücumu qətiyyətlə pisləyib, həyatını itirənlərin ailələrinə başsağlığı verib və yaralılara tezliklə şəfa tapmalarını arzulayıb.
Səudiyyə Ərəbistanı Mülki Aviasiya İdarəsi (GACA) bildirib ki, ötən bir həftə ərzində Krallığın hava limanlarına edilən beş hücum nəticəsində 19 nəfər həlak olub, 350-dən çox yaralı var.
NTV canlı
Radio canlı
Nuhçıxan