ABŞ-nin əlavə tarifləri Qazaxıstan ixrac mallarının 95 faizinə şamil edilməyəcək

Qazaxıstanın ABŞ-yə ixracının təxminən 95 faizi əvvəllər olduğu kimi, əlavə gömrük rüsumlarından azad olacaq.

NTV Qazaxıstan Ticarət və İnteqrasiya Nazirliyinə istinadla xəbər verir ki, ABŞ 24 iyul tarixindən etibarən Qazaxıstandan idxal etdiyi mallara əlavə 12,5 faiz rüsum tətbiq edəcək. Qərar 1974-cü il tarixli ABŞ Ticarət Qanununun 301-ci maddəsi çərçivəsində aparılan araşdırmadan sonra qəbul edilib.

Əlavə rüsum ABŞ-nin ticarət nümayəndəsi tərəfindən təsdiq edilmiş istisna siyahılarına daxil olan mallara şamil edilmir.

Əvvəllər qüvvədə olan əlavə 10 faiz müvəqqəti idxal haqqı müəyyən edilmiş 150 günlük müddətdən sonra başa çatıb. Buna görə də əvvəlki əlavə tarif yeni rüsumla birləşdirilə bilməz.

Qazaxıstan Ticarət və İnteqrasiya Nazirliyi ölkə ixracatçılarının maraqlarını qorumaq və qarşılıqlı məqbul həllər tapmaq üçün ABŞ tərəfi ilə qarşılıqlı fəaliyyəti davam etdirir.