Albaniya hökumətin 2026-cı il üzrə yenilənmiş büdcəsinə əsasən, müdafiə xərclərini əlavə 10,3 milyard lek (təxminən 109,5 milyon avro) artıracaq və bununla da ümumi müdafiə xərcləri ÜDM-in 2,6 faizinə çatacaq.
NTV-nin məlumatına görə, bu barədə ölkənin maliyyə naziri Petrit Malaj bildirib.
O qeyd edib ki, hökumət tərəfindən təsdiqlənmiş büdcə dəyişiklikləri çərçivəsində ayrılan əlavə vəsait ölkənin müdafiə qabiliyyətinin gücləndirilməsinə və silahlı qüvvələrin modernləşdirilməsinin sürətləndirilməsinə yönəlib.
Yenilənmiş büdcə həmçinin 300 yeni hərbi qulluqçunun işə qəbulunu nəzərdə tutur.
Qeyd edək ki, xərclərin artırılması Albaniyanın NATO-nun müdafiə xərcləri hədəflərinə uyğunlaşmaq və alyansın kollektiv təhlükəsizlik çərçivəsinə töhfəsini gücləndirmək istiqamətində davam edən səylərini əks etdirir.
NTV canlı
Radio canlı
Nuhçıxan