Rusiya və Ukrayna cümə axşamı cəbhə xəttindən uzaqda qarşılıqlı hava hücumlarını davam etdirib, hər iki ölkədə mülki şəxslər arasında həlak olanlar var.
NTV xəbər verir ki, Ukrayna SQ Baş qərargahı Rusiyanın gecə hücumunda 13 nəfərin, Rusiya rəsmiləri isə Ukraynanın dron hücumlarında dörd mülki şəxsin öldüyünü bildiriblər.
Nijni Novqorod vilayətinin qubernatoru Qleb Nikitin dronların qalıqlarının sənaye sahəsinə və yaşayış binalarına ziyan vurması nəticəsində bir nəfərin öldüyünü, dörd nəfərin yaralandığını bildirib. O, əlavə edib ki, hava hücumundan müdafiə sistemləri 30 dronu ələ keçirib. Belqorod bölgəsində yerli hakimiyyət orqanları Malakeyevo kəndində şəxsi evə dron zərbəsi nəticəsində bir kişinin öldüyünü və həyat yoldaşının yaralandığını bildirib.
Ukraynanın Zaporojye bölgəsinin RF-in nəzarəti altında olan hissəsinin Rusiya tərəfindən təyin olunmuş qubernatoru Yevgeni Balitski dron hücumunda təmir işləri zamanı enerji şirkətinin iki işçisinin öldüyünü bildirib.
Rusiya Müdafiə Nazirliyi bəyan edib ki, bu ölkənin silahlı qüvvələri Kiyevdə və ətraf bölgədə müdafiə sənayesi müəssisələrinə və yanacaq-enerji obyektlərinə zərbə endirmək üçün havadan, dənizdən və qurudan atılan uzaqmənzilli dəqiq silahlardan, həmçinin dronlardan istifadə edib.
Məlumata görə, Dnepropetrovsk, Poltava, Çerkassı, Çerniqov və Kiyev vilayətlərində hərbi aerodrom infrastrukturu da hədəfə alınıb.
RF Müdafiə Nazirliyin məlumatına görə, zərbələr Ukraynanın Rusiyadakı mülki infrastruktura hücumlarına cavab olaraq həyata keçirilib.
Bu arada, Ukrayna SQ Baş qərargahı bildirib ki, Rusiyanın Nijni Novqorod vilayətində “Lukoil Nijeqorodnefteorgsintez” neft emalı zavoduna zərbə endirilib.
Ukrayna, həmçinin Zaporojye bölgəsinin Rusiyanın nəzarətində olan hissəsindəki PUA anbarına, Luqansk yaxınlığındakı dəmir yolu körpüsünə və Xarkov bölgəsindəki Rusiya komandanlıq məntəqəsinə zərbələr endirdiyini bildirib.
NTV canlı
Radio canlı
Nuhçıxan