Əbu-Dabidə Ukrayna üzrə üçtərəfli danışıqlar başa çatıb

Əbu-Dabidə (BƏƏ) Rusiya-Ukrayna münaqişəsinin nizamlanması üzrə keçirilən ABŞ-Rusiya-Ukrayna üçtərəfli danışıqları başa çatıb.

NTV xəbər verir ki, bu barədə Rusiya KİV-i məlumat yayıb.

Qeyd olunub ki, Ukrayna ilə bağlı yeni görüşlərin tarixləri tərəflər arasında razılaşdırılacaq.

11:35

Birləşmiş Ərəb Əmirliklərinin (BƏƏ) paytaxtı Əbu-Dabidə Ukrayna, Rusiya və ABŞ arasında Rusiya-Ukrayna münaqişəsinin nizamlanması üzrə danışıqların ikinci günü başlayıb.

NTV-ninməlumatına görə, bu barədə Ukrayna Milli Təhlükəsizlik və Müdafiə Şurasının katibi Rüstəm Umerov öz teleqram kanalında bildirib.

"Dünənki kimi eyni formatlarda işləyirik: üçtərəfli məsləhətləşmələr, qruplarda iş və sonradan mövqelərin sinxronlaşdırılması. Nəticələr sonra olacaq",- o bildirib.

Qeyd edək ki, dünən Əbu-Dabidə Ukrayna, Rusiya və ABŞ-nin arasında danışıqların növbəti raundunun birinci günü keçirilib. Bundan əlavə, danışıqların ilk raundu yanvarın 23-24-də Əbu-Dabidə baş tutub, əvvəlcə fevralın 1-nə planlaşdırılan görüş isə fevralın 4-5-nə keçirilib.