ABŞ və İran arasında razılaşmadan sonra Hörmüz boğazında gəmiçiliyin tam bərpası bir neçə həftədən bir aya qədər çəkə bilər.
NTV xəbər verir ki bunu dünyanın ən böyük tanker donanması operatoru “Mitsui O.S.K. Lines” şirkətinin baş direktoru Zetaro Tamura “Financial Times” qəzetinə açıqlamasında deyib. Onun sözlərinə görə, gəmiçilik şirkətləri normal fəaliyyətə qayıtmaq üçün tələsmirlər və əldə edilən razılaşmaların boğazdan təhlükəsiz keçidi təmin etməsini gözləyəcəklər.
“Bunun azı bir neçə həftə, bəlkə də, bir ay çəkəcəyini düşünmək məntiqlidir”, - deyə Tamura bildirib.
“Financial Times” qəzetinin məlumatına görə, hazırda yüzlərlə gəmi boğazdan təhlükəsiz keçidi gözləyir.
NTV canlı
Radio canlı
Nuhçıxan