Yunanıstan hakimiyyəti Bolqarıstanı İranın raket hücumlarından qorumaq bəhanəsi ilə beynəlxalq sülh müqavilələrinə əsasən silahsızlaşdırılmaya məruz qalan adalarda “Patriot” hava hücumundan müdafiə sistemləri yerləşdirməyə hazırlaşır.
NTV “Akşam” qəzetinə istinadla xəbər verir ki, Afina artıq Türkiyənin Çanaqqala yarımadası yaxınlığında, Egey dənizinin şimalında yerləşən Semandirek (Samotraki) adasında “Patriot” hava hücumundan müdafiə sistemlərinin yerləşdiriləcəyini açıqlayıb.
Daha əvvəl Yunanıstan hakimiyyəti Türkiyədə təxribat kimi qəbul edilən başqa bir silahsızlaşdırılmış ada olan Karpatosda hava hücumundan müdafiə sistemləri yerləşdirmişdi.
Bu arada, Yunanıstanın müdafiə naziri Nikos Dendias 1923-cü il Lozanna müqaviləsinin də hərbi obyektlərin yerləşdirilməsini qadağan etdiyi Limnos adasında F-16 qırıcı təyyarələrinin yerləşdiriləcəyini açıqlayıb.
Afina Egey dənizinin silahsızlaşdırılmış adalarında hava hücumundan müdafiə sistemlərinin və hərbi təyyarələrin yerləşdirilməsini “NATO tərəfindən Lozanna (1923) və Paris (1947) müqavilələrinin ləğvinin de-fakto tanınması” adlandırır.
Qeyd etmək lazımdır ki, Ankara bu yaxınlarda Şimali Kiprə altı ədəd F-16 qırıcı təyyarəsi və hava hücumundan müdafiə sistemi yerləşdirib ki, bu da medianın məlumatına görə, Yunanıstanın adanın cənubuna dörd hərbi təyyarə və iki freqat yerləşdirməsinə cavabdır.
NTV canlı
Radio canlı
Nuhçıxan