Naxçıvan Muxtar Respublikasının Qida Təhlükəsizliyi Agentliyi tərəfindən Ordubad şəhəri, H.Əliyev prospektində fəaliyyət göstərən Orucov Turac Yəmən oğluna məxsus dönərxanada aparılan planlı yoxlama zamanı ciddi nöqsanlar aşkar edilib.
Agentlikdən NTV-yə verilən məlumata görə, yoxlama zamanı müəyyən olunub ki, kanalizasiya qurğuları çirklənmə riskini istisna edəcək vəziyyətdə qurulmayıb, obyektin divarları həyata keçirilən fəaliyyətə uyğun olaraq lazımi hündürlükdə hamar və dezinfeksiyaedici maddələrin təsirinə davamlı səthlə təmin olunmayıb. Həmçinin qida ilə təmasda olan alət və avadanlıqların yuyulması üçün ayrıca yuma çanaqları mövcud olmayıb və temperatur rejiminə əməl edilmədiyi aşkarlanıb.
Aşkar edilmiş nöqsanların aradan qaldırılması üçün sahibkara müvafiq göstərişlər verilib, barəsində inzibati protokol tərtib olunub.
NTV canlı
Radio canlı
Nuhçıxan