Qlobal bazarları sarsıdan, inflyasiyanı artıran ABŞ-İran gərginliyi və münaqişəyə son qoyacaq sülh razılaşmasının mümkünlüyü ilə bağlı qeyri-müəyyənliklər fonunda qızılın qiymətinə təzyiq davam edir. Belə ki, qiymətli metal ardıcıl ikinci həftəni itki ilə tamamlamağa hazırlaşır.
NTV xarici mediaya istinadla xəbər verir ki, hazırda Nyu-Yorkun COMEX əmtəə birjasında qızılın bir troya unsiyasının qiyməti 4100 dollar civarındadır.
Qızıl fevralın sonlarında münaqişə başlayandan əvvəlki səviyyədən təxminən beşdəbir aşağı qiymətə ticarət olunur. Qiymətli metal uzunmüddətli impulsun geniş izlənilən göstəricisi olan 200 günlük hərəkətli ortalamadan da aşağı düşüb.
İsveçrənin Sürix şəhərində yerləşən “Julius Baer Group Ltd” çoxmillətli özəl bankçılıq və maliyyə xidmətləri şirkəti qızılla bağlı 3-12 aylıq qiymət hədəfini bir troya unsiya üçün 4250-4500 dollara endirib.
Ekspertlərin fikrincə, münaqişə ilə bağlı tərəflərin son bir neçə ayda 30-dan çox oxşar açıqlamasından sonra investorlar və qızıl treyderləri belə siqnalları olduğu kimi qəbul etməkdə getdikcə daha ehtiyatlı olurlar. Satış təzyiqinin böyük hissəsi isə texniki trendin dəyişməsi ilə əlaqələndirilir.
NTV canlı
Radio canlı
Nuhçıxan