“Naxçıvan Premium Turnir”ində 8-ci tur - FOTOLAR

NUHÇIXAN İnformasiya Agentliyi xəbər verir ki, “Naxçıvan Premium Turnir”ində 8-ci turun qarşılaşmaları keçirilib.

Bu mərhələdə beynəlxalq usta Talıb Babayev- beynəlxalq usta Toğrul Həsənzadə, Ayxan Əliyev-İlkin Qəbulov, fide ustası Nəsrin Babayeva-Nazlı Hümbətova, Hüseyn Seyid-fide ustası Sadiq Məmmədov, beynəlxalq qrossmeyster Urfan Sevdimalıyev-Rza Həsənli, Sadiq Qarayev-beynəlxalq usta Pərviz Qasımov cütlükləri münasibətlərə aydınlıq gətirib.

Maraqlı duellərin sonunda beynəlxalq usta Toğrul Həsənzadə,  Ayxan Əliyev, fide ustası Nəsrin Babayeva, beynəlxalq qrossmeyster Urfan Sevdimalıyev və beynəlxalq usta Pərviz Qasımov rəqibləri üzərində qələbə qazanıblar. Hüseyn Seyid və fide ustası Sadiq Məmmədov görüşü isə heç-heçə bitib. 

Qeyd edək ki, bu il ikinci mövsümlə yeni mübarizəyə səhnə alan "Naxçıvan Premium Turnir"i yanvarın 14-25 yanvar tarixlərini əhatə edir.

                                                                   Əli İbrahimbəyli