Ermənistan nümayəndə heyəti Kollektiv Təhlükəsizlik Müqaviləsi Təşkilatı (KTMT) Parlament Assambleyasının (PA) dekabrın 19-da Moskvada keçiriləcək iclasında iştirak etməyəcək.
NUHÇIXAN xəbər verir ki, bu barədə Ermənistan parlamentinin spikerinin mətbuat katibi Tsovinar Xaçatryan məlumat verib.
“Ermənistan parlamentinin spikeri Alen Simonyan dekabrın 19-da Moskvada keçiriləcək KTMT Parlament Assambleyası Şurasının iclasında və KTMT PA-nın 16-cı plenar iclasında iştirak etməyəcək. Milli Məclisin nümayəndə heyəti də iclaslarda iştirak etməyəcək”, - o bildirib.
Qeyd edilib ki, A.Simonyan bu barədə Rusiya Federasiyası Dövlət Dumasının sədri Vyaçeslav Volodinə rəsmi məlumat verib.
NTV canlı
Radio canlı
Nuhçıxan