NTV xəbər verir ki, Naxçıvan Muxtar Respublikasının Rəqəmsal İnkişaf və Nəqliyyat Nazirliyinin rəhbər heyəti və tabeli qurumlarının əməkdaşları ilə “Aztelekom” MMC-nin nümayəndələri arasında işgüzar görüş baş tutub.
Görüş zamanı “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı” çərçivəsində muxtar respublika ərazisində rəqəmsal infrastrukturun gücləndirilməsi, internet xidmətlərinin əhatə dairəsinin genişləndirilməsi, keyfiyyətinin yüksəldilməsi və fasiləsizliyinin təmin olunması məsələləri müzakirə olunub.
Tərəflər xüsusilə GPON (Gigabit Passive Optical Network) texnologiyasının Naxçıvanda tətbiqi imkanlarını, mövcud texniki resursları, layihənin mərhələli icra planını və potensial çətinlikləri ətraflı nəzərdən keçiriblər. “Aztelekom”-un nümayəndələri tərəfindən layihənin effektiv həyata keçirilməsi ilə bağlı texniki tövsiyələr təqdim olunub, həmçinin zəruri metodoloji və texniki dəstəyin göstəriləcəyi bildirilib.
Görüşün əsas məqsədi Dövlət Proqramında nəzərdə tutulan hədəflərin vaxtında və səmərəli icrasını təmin etmək, əhalinin sürətli, keyfiyyətli və dayanıqlı internet xidmətlərinə çıxış imkanlarını daha da genişləndirməkdir.
Tərəflər qarşılıqlı əməkdaşlığın gücləndirilməsi və rəqəmsal transformasiya istiqamətində birgə fəaliyyətin davam etdirilməsi barədə razılığa gəliblər.
NTV canlı
Radio canlı
Nuhçıxan