NUHÇIXAN xəbər verir ki, martın 29-da Azərbaycan Həmkarlar İttifaqları Komitəsinin sədr müavini, Naxçıvan Muxtar Respublikası Həmkarlar İttifaqları Şurasının sədri Qəzənfər Abdullayev növbəti vətəndaş qəbulu keçirib.
Qəbulda 5 nəfər şəhid ailəsi olmaqla ümumi olaraq 46 nəfər iştirak edib.
Müraciətlər maddi yardım, müayinə-müalicə, iş və əmək münasibətləri habelə digər müxtəlif məsələlər ilə bağlı olub.
Qəbula gələn vətəndaşların problemləri ayrı-ayrılıqda diqqətlə dinlənilib və həll olunması üçün aidiyyəti üzrə tapşırıqlar verilib.
Vətəndaşlar əhaliyə göstərilən diqqətə görə öz minnətdarlıqlarını ifadə ediblər.
Qeyd edək ki, hər həftənin cümə günü AHİK sədrinin müavini, Naxçıvan Muxtar Respublikası Həmkarlar İttifaqları Şurasının sədri Qəzənfər Abdullayev saat 10:00-dan 12:00-dək vətəndaşları qəbul edir.
NTV canlı
Radio canlı
Nuhçıxan